-Noel Sales Barcelona
Naiinggit naman ako
dahil sa bago mong Porsche
na kaya mong manehuhin ng buong bilis.
Naiinggit naman ako
dahil kaya mong mag-porterhouse steak
araw-araw at uminom ng mahal na wine.
Naiinggit naman ako
dahil ang bahay mo’y singtaas ng tore ng Babylon
na naliligid ng mga alambreng matinik
dahil sa takot mong pasukin ng mga maton.
Naiinggit naman ako sa iyo
dahil nagagawa mo pang “magrelax”
sa gitna ng gulo.
Naiinggit naman ako sa iyo
dahil hindi kasing kapal ng goma ng gulong ng trak
ang mukha ko.
