“Para sa isang Kasama na di ko Gaanong Kakilala”

30 Dec

-Art

Kasama, ang galing mo pala bumigkas ng tula”. Ito ang papering binanggit sa sakin ni kasamang Lester, ng minsang magkasabay kaming magtanghal sa isang kampuhang magsasaka noong oktubre. Sa totoo lang,hindi ko pa sya kakilala sa pangalan nya noon. Pero popular sya para saakin, dahil lagi ko syang napapanood kapag may mga mobilisasyong magsasaka.Ang totoo nyan,nitong International Human Rights Day lang sya pinakilala sa akin ng pormal ni Rani. Si Rani ay kababata ni Lester,at dati nya ring nakasama sa isang pangkulturang organisasyon. Ang kwento pa nga ng kolektib kong si Rani, dati na raw silang may nabuong relasyon ni kasamang Lester. Hahahahahah.. nakakatuwang isipin!

Si kasamang Lester, isang kasama, artista ng bayan, at mabuting anak ng bayan. Nakilala sya sa pagiging mahusay na mandudula at artista sa bawat pagtatanghal.. Malaki ang mga mata, nakalabas ang mga ipin, at maitim. Yan ang katangiang pisikal na bumabagay sa mga ginagampanan nyang karakter bilang goons ng mga mapagsamantalang panginoong may lupa. Pero sa kabila nito, isang masayahing kasama at may dedikasyon sa gawain para sa kultura at mamamayan. Mga katangiang di pangkaraniwan sa mga kabataan sa ngayon. Isang artistang hindi kumikita sa kanyang talento,bagkus ay nagsasalarawan sa tunay na kalagayan ng lipunan. Isang anak na piniling maglingkod hindi lang sa sariling pinagmulan, sa halip ay piniling maglingkod sa malawak na aping mamamayan.

Marahil nga’y napakabat nya pa ng agawan ng buhay noong Disyembre 23. Pinaslang ng mga walang kaluluwang reaksyunaryong military, kahit pa sya ay sibilyan at layon lamg dumalaw sa kanyang ama. Dinahilan pa ng mga militar na may engkwentro daw na naganap sa pagitan nila at ng mga NPA. Eh,  kung hindi ba naman sila isa’t kalahating BOBO, ceasefire kaya ng mga panahon na yon. At ayon mismo sa mga masang naroon, talagang sinadya ang operasyong military sa kanilang barangay noong araw ding yon. At ng may namatay,sinangkalan nilang NPA ang mga kasama ni Lester. Nakakagalit isipin, naiyak nga ako nung mabasa ko yun sa facebook noong madaling araw ng Disyembre 25. At kung bakit, dahil sa simpleng dahilan na sya’y isang kasama,i sang kapwa artista, at isang kakilala. Naiiyak nga ako habang isinusulat ko ito ngayon. Marahil kagaya ko, naiiyak din ang kanyang mga ka kolektiba, ang mga kakilala,at kanyang mga kapwa artista. Luha ito malamang ng lungkot at kagalakan. Lungkot, sapagkat nabawasan ang aming hanay bilang mga manlilikhang sining. Galak,sapagkat kami ay lubos na nagpupugay sa kanyang dakilang ambag sa pakikibaka ng Sambayanan.

Hibang ang mga damuhong military at estadong ito na tayo’y aatras kapag tayo’y nababawasan. Lalo lamang nilang sinisilaban ang nagngangalit na baga ng paghihimagsik ng mamamayan. Sa pagkawala ng katawang lupa ng aming kasamang si Lester, mamumuhay sa puso ng bawat rebolusyunaryong artista ang espiritu ng kanyang dakilang buhay, at paninindigang magiging sulo naming sa patuoy na paglalakbay. Marapat na sya ay bigyan ng isang pinakamataas na pagpupugay at parangal bilang artista, kabataan, rebolusyunaryo at mabuting anak ng bayan. At higit sa lahat, ang pagtahak sa landas ng pagbabago ng lipunan at buong mundo.

Ito ang dakilang buhay ni kasamang Lester Barrientos.

Ang mabuhay at mamatay ng naglilingkod sa sambayanan!

“Sa bawat galaw at

indak mo kasama,

malinaw mong sinasalarawan

ang kagitingan ng masa.

Sa bawat pagtindig

at pagtaas ng iyong kamao,

bumabaon sa dibdib

ng mga mapagsamantala

ang nagbabagang mga punglo.

Sa iyong iniwang magulo

at mapagsamantalang daigdig.

Kami ang magpapatuloy

sa paglikha,

ng sabay nating pinangarap

na mundong masagana

at payapa”

Hanggang sa muli kasamang Lester!

Hanggang sa tagumpay!

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s

%d bloggers like this: