MGA MANHID

29 Jun

-Alexander Martin Remollino

Habang binabagtas ng sinakyan kong dyip kanina
ag isang lansangan sa Quezon City,
tinawag ang aking pansin

ng isang higanteng karatulang may nakangiting mukha ni GMA
na nagsasabing,
“Ramdam ang kaunlaran.”
Siguro,
ramdam na ramdam nga ang kaunlaran
kaya kailangang ipagsigawang nararamdaman ito –
parang sinasabing mga manhid tayo

kaya hindi natin nararamdaman.
Pero sino ba ang talagang mga manhid?
Ano ang pagiging manhid?
Ang pagiging manhid
ay ang pagsasabing “ramdam ang kaunlaran”
kahit na pinagtitiyagaang pilahan ng mga tao
ang kakapurit na murang bigas na mabuhangin at mabato

habang kayraming palayan sa Pilipinas
na nagiging mga golf course o taniman ng export crops.
Ang pagiging manhid
ay ang pagsasabing “ramdam ang kaunlaran”
kahit na nag-uunahan patungong kalawakan
ang mga presyo ng inangkat na produktong petrolyo

habang mga korporasyong dayuhan ang nagpapasasa sa Malampaya’t Sulu.
Ang pagiging manhid
ay ang pagsasabing “ramdam ang kaunlaran”
kahit na nagtitiis na kumain ng darak ang karamihan
habang dalawa sa malalaking negosyante ng Pilipinas

ang nasa talaan ng 500 pinakamayayaman sa buong mundo.
Silang nagsasabing “ramdam ang kaunlaran” –
sila ang mga manhid:
mga may kalyo sa tiyan
mga may kalyo sa mata
mga may kalyo sa utak.
Sila ang mga manhid at hindi tayo.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s

%d bloggers like this: