KALENTONG

-Rustum Casia

Sa isang panahong
pinag-aawayan sa loob ng jeep
na may plakang
Tanggo,
Bravo,
Charlie 701-
ang student at senior discount

pati na ang singkwenta sentimos
na sukling nalimutang ibigay-

Nakatakdang ibulsa
ng ilang greedy group
at isang couple
ang multi milyong patong.

Ganitong milyon kay ganito.
Ganoong milyon kay ganoon.

And so on, and so on.

At ang ating pina-uusapan
ay hindi milyong palakpakan
o milyong confetti
o multi milyong plankton.

We’re talking in dollars.
Millions.

Multi milyong singwenta sentimos
na hindi maibibigay
sa mga mamamayang
habangbuhay nag-aantay ng sukli.

 

ART FOR OUSTS’ SAKE

Artists’ ARREST
Protest Night

The name of the program is borrowed from the title of art scholar Lisa Ito’s
article of the same title. Published in 2005, Ito observes in this article that
“as the rallies for GMA’s removal grow exponentially, so does the resolve to
find more creative forms of articulation and expression grow.” Three years later
and with more reasons to remove Gloria Macapagal-Arroyo from office, prose,
poetry, paintings, music, dance, performance and other art forms continue
to be defined by dissent. This event, as it name implies, is thus dedicated to
how the (intensified) call for the ouster of Arroyo is rendered through art.

Featuring:
The Wuds
Republika de Lata
Babes Alejo and Roselle Pineda
Jeff Pagaduan

Performance art:
Bunch Garcia

Poetry:
Kilometer 64 poetry collective
Lourd de Veyra

Video/Film:
2nd volume of Rights
Sampaguita music video (rough cut)

Street Art:
Pilipinas Street Plan
ARREST visual artists

*In lieu of Easter which comes a day before the event, free “ouster eggs”
and stickers will also be given out. We also encourage those who have OUST
Gloria merchandise to bring their stuff and sell during the event.

BUNTONG HININGA..

-Boyet de Mesa

Nakakaiinip, nakakabato…
Mag-antay ng pagbabago
Lagi na lang bang ganito
Buhay natin di na ba mababago?

Nakakasawa na rin ang ruta sa araw-araw
Kayod kabayo, kayod kalabaw
Ang araw ay naging gabi
Ang gabi ay naging araw
Pero lagi namang uhaw
Sahod ko’y di maipantawid-uhaw

Sa taas ng presyo,
Langis at serbisyo
Walang humpay, walang gatol
Tuloy-tuloy, walang putol

Susmaryosep…ano ba to?!…
Mamamatay ka ng dilat sa gutom

Hay…ay yay..yayyyy

Buti na lang may pag-asa
Habang may hininga
Buti na lang may pag-asa
May mga nakikibaka

Bakit nga ba ganito?
Bakit nga ba ganito?!

Eto na, eto na… sumabog na…
mga eskandalo sa palasyo
Milyon-milyong dolyar, kinokorakot ng pangkat ng sindikato
Taong bayan ay nilulunod sa kumunoy ng kahirapan.

Busabos natin kalagayan
Ay mayrong may kagagawan
api nating kalagaya’y pinagpapasasaan
iilan ang nakikinabang, sating pinagpaguran

Buti na lang may pag-asa
Habang may hininga
Buti na lang may pag-asa
Buti nalang may mga kasama

Buti na lang may rali
Nakakahinga ng konti’
Lakad, takbo, hinto
Kahit sikat ng araw ay nakakapaso
Ulan may bumuhos, tuloy parin ang pagkilos

Buti na lang may rali
Nakakahinga ng konti
Nabubusog ang diwa
Sa mga talumpati at talinghaga,
Sa mga awit at tula,
Mamamaya’y, dumadami’t tumutula

Oy oy oyyyy!

Buti na lang may pag-asa
Habang may hininga
may pag-asa,
hangga’t nagkakaisa

uso pa ang rali.. (makibaka, wag matakot!!!)
people power ay sindi
hindi magsasawa, hindi mawawala
hindi mauupos, hindi mauubos

magtutuloy-tuloy at yumabong
nag-iipon ng opinyon,
ang opinyon ay nagiging bastyon
hanggang mapatalsik ang mga buhong

ha..haha haha

lalagi’t may rali..
tinig ng mga api
sa saliw ng huni ng mga ibon sa nayon
awit na mapagpalaya sa mga bayan ay aalon

hanggang, handa na ang madla
hanggang , handa na ang madla
sa huling mga rali
hustisya ang mamamayani

la.. la. la…

Hanggang sa susunod na rali

Marso 2008

Pinakamataas na Pagpupugay kay Jemalyn Lacadin

Ngayong araw na ito, ika-18 ng Marso, ay ihahatid na ng kanyang pamiliya, ilang mga kaibigan, at sampu ng kanyang mga kaanak si Jemalyn Lacadin sa kanyang huling himlayan. Namatay siya sa edad na 24. 

Si Jemalyn o  Jema para sa karamihan ng mga nakakakilala sa kanya ay  tubong Tarlac. Bata pa lamang si Jema ay kinakitaan na sila ng angking talino at galing sa pagsusulat. Nuong si Jema ay nasa ikatlong taon  pa lamang ng  high school sa Tarlac State University  Laboratory School ay naging kolumnista siya ng The Work Jr., ang  opisyal na pahayagan ng mga estudyante ruon. Nuong siya magtapos ng highschool ay nakatangggap ito ng karangalang pang-akademiko. 

Nuong 2000, pumasok si Jema sa kursong BS Management sa  UP Extension Program in Pampanga at naging kasapi sa  sorority na Sigma Delta Pi at naging manunulat ng Frontliner, ang opisyal na pahayagan ng mga estudyante ng UPEPP. Isa rin si Jema sa mga nagbigay ng panibagong sigla sa College Editors Guild of the Philippines-Central Luzon bilang coordinator Pampanga Chapter nuong 2001. Nuong sumunod na taon, ay naging Founding Officer siya ng Solidaridad, isang alyansa ng mga manunulat pang-kampus ng UP System. 

Maagang nagagagap ni Jema ang kalagayan ng kabataang estudyante sa Gitnang Luson kaya’t masigla itong lumahok at nag-organisa sa hanay ng mga kapwa estudyante sa UP Clark laban sa sa napipinto pa lamang nuon na pagtaas ng matrikula sa UP at pagtaas ng tuition sa iba’t ibang kolehiyo at unibersidad sa rehiyon.  Nanguna rin ito sa pagtutol sa implementasyon ng Revitalized General Education Program ng UP na naglalayon umano na bigyang kalayaan ang mga estudyante na pumili ng kanilang mga GE na kukunin. Subalit sa simula pa lamang ay nakita na ng mga tumututol dito na maaring mapag-iwanan o maging “undersubscribed”  ang mga higit na importanteng kurso nagbibigay ng mga importanteng kasanayan at yaong mga kurso nagtatanim ng makabayan na prinsipyo sa mga mag-aaral ng UP dahil tiyak na pipiliin ng mga estudyante yaong mga mas madadali na GE. 

Aktibo ring nakilahok si Jema sa mga kampanya sa pagpapatalsik sa dating pangulong Joseph Estrada sa ilalim ng Estrada Resign Youth Movement. 

Hindi nagpakulong si Jema sa apat na sulok ng klasrum kaya pinili niyang  makipamuhay sa mga magsasaka ng Pampanga at Tarlac at itampok ang kanilang kalagayan sa kanyang mga tula at panulat. 

Nuong March 10, 2008, isang araw ng matapos ang Araw ng mg Kababaihan,  dinala ng SOCO ang malamig na bangkay ni Jema sa Enriquez Funeral Parlor sa Tarlac City. Ayon sa inisyal na report, natagpuan raw ang bangkay ni Jema sa Barangay Burgos,  San Jose,  Tarlac. Hinala ng marami, mga sundalo ng 102nd Army Brigade ang pumaslang kay Jema. 

Samantala, sinasabing walang naisagawang awtopsi sa bangkay ni Jema, o kung mayroon man, ay itinago ang resulta nito. Hinala ng marami ay nasira ang mukha ni Jema  dahil pinili ng kanyang pamilya na isara ang kanyang kabaong at huwag itong ipakita sa mga nakikiramay na kaibigan at kaanak.  

Nakakalungkot ding isipin na mahigpit may mag umaaligid na mga  militar nuong burol ni Jema. Bagay na nakakapagpapigil sa mga kaibigan at dating kasamahan ni Jema na makadalo at makapagbigay ng kanilang huling respeto sa kanya.  Ang biglaang pag-iba ng petsa ng kanyang libing ang natatanging dahilan kung bakit hindi nakadalo ang mahigit pa sa isandaang mga tao na nais maghatid kay Jema sa kanyang huling hantungan. 

Maraming nagmamahal kay Jema at lubos ang aming kalungkutan sa kanyang maagang paglisan. Ang kanyang alalala sa mga kasamahang manunulat at sa mga magsasaka na kanyang nakasalamuha at labis na minahal ay hindi kailan man malilimot.